МЗТ Скопје максимално го искористи домашниот терен во финалето на плеј-офот. Бранителот на титулата поведе со 2-0 и се најде на победа до шампионската титула, која доколку ја освои ќе биде десетта во клупската историја на тимот од Аеродром.
Серијата се сели во Битола. Првиот датум кога кошаркарите на МЗТ Скопје ќе можат да го подигнат пехарот е 4. овој месец (недела, 18:30 часот). Со нов триумф актуелниот првак ќе дојде до третата победа и ќе ја спушти завесата во кошаркарското првенство.
Од оваа средба ќе има директен пренос на МРТ.
