Само неколку дена откако доби отказ во турски Карагумрук, Андреа Пирло (44) веќе нашол нова работа.
Според италијанските медиуми, Пирло е фаворит за преземање на второлигашот Пиза. Станува збор за амбициозен клуб кој сака да избори пласман во елитата со помош на Пирло. Откако Пиза ја заврши сезоната на 11-та позиција во Серија Б, ги отпушти тренерот Лука Ди Анџело и спортскиот директор Клаудио Киелини. Новата управа ќе го донесе Александар Коларов, кој, пак, минатата година стави крај на својата одлична играчка кариера и сега ќе работи во позиција на спортски директор на Пиза.
Токму на негова иницијатива Пирло би требало да го преземе клубот и да се обиде уште во првата сезона да обезбеди промоција во Серија А.
