Овие денови од годината се посветени на РК Вардар. Секој кој има социјални мрежи, во меморијата на истите стојат фотографии и видеа од европската бајка која му се случи на овој тим во периодот од 2017 до 2019 година.
Македонскиот тим се пласираше на три фајнл-фор завршници и освои две титули во Лигата на шампиони, нешто за што и натаму сонуваат големи имиња како Веспрем и ПСЖ.
На денешен ден пред шест години, Вардар го подигна првиот пехар и тоа благодарение на магичниот гол на Иван Чупиќ го совлада ПСЖ со минимални 24-23. Претходно во полуфиналето падна Барселона.