Пари Сен Жермен ја доби битката за потписот на играчот од средниот ред на Спортинг Лисабон, Мануел Угарте, пишува францускиот весник „Л’Екип“.
Уругвајскиот играч за врска беше блиску до потпис со Челзи, но на крајот тој го избра ПСЖ како следен клуб во кариерата.
Доцна синоќа стана јасно дека „сините“ од Лондон се повлекуваат од преговорите, иако не беше наведена причина. 22-годишниот Угарте се очекува да потпише за ПСЖ уште денеска, а францускиот клуб ќе плати околу 60 милиони евра за неговите права.
