И официјално, Сергеј Ребров е новиот селектор на Украина, и со него оваа селекција доаѓа во Скопје каде на 16 јуни против нашата селекција ќе го одигра квалификацискиот меч за ЕВРО 2024.
Ова денеска беше потврдено и од страна на раководството на Фудбалската федерација на Украина, каде на официјална прес конференција беше претставен новиот селектор на Украинците, инаку играчка легенда на оваа земја.
“Задоволство е што сум тука, секако дека со сите сили ќе работам за својата држава“ рече покрај другото селекторот на репрезентација на Украина.
Инаку овие перипетии со неговото назначување беа поради фактот дека тој имаше договор со тимот на Ал – Аин од ОАЕ, и тоа до крајот на овој месец па беше неможно официјално да потпише договор со Фудбалската федерација на Украина, инаку јасно беше дека тој е новиот селектор.
