Со синоќешниот триумф на тимот на Вест Хем во Конференцијската лига односно по победата над Фиорентина од 2:1 во големото финале еден играч комплетираше посебен успех кој ретко кој во догледно време ќе го повтори.
Итаијанскиот репрезентативец во дресот на Вест Хем, Емерсон дојде до титулата со кој ги комплетираше сите трофеји кои се во организација на УЕФА.
Имено, левиот бек роден во Бразил, во 2018 година беше под договор со Челзи, па ја освои Лигата на Европа. Две години подоцна ги освои Лигата на Шампионите односно Супер купот со истиот клуб.
Во 2021 година со репрезентацијата на Италија го освои Европското првенство, а еве синоќа ја комплетираше таа низа со пехарот во Конференциската лига.
