Фудбалерите на Манчестер Сити за првпат во историјата станаа европски шампиони откако во финалето на Лигата на шампионите во Истанбул го совладаа Интер со 1:0. Сити ја оправда улогата на фаворит, иако Интер се бореше блескаво, а решавачкиот гол го постигна Родри во 68. минута. Натпреварот го коментираше Ерлинг Халанд.
„Ова не го очекував ниту во моите најлуди соништа. Тоа покажува дека и едно дете од мал град од Норвешка може да успее. Се надевам дека ова им дава надеж на децата кои играат во салите во мојот град. Прекрасно е што тука се и мајка ми и татко ми, пресреќен сум. За неколку дена, кога се ќе се смири, повторно ќе го посакам трофејот во Лигата на шампионите. Се знам себеси, така ќе размислувам“, изјави Халанд и потоа додаде:
„Свесен сум дека можам да се подобрам во однос на бројот на голови. Во финалето бев блиску до постигнување неколку пати, да беше мој ден, ќе постигнев два гола. Не е важно, во финалето единствено важно е да победиме и да го освоиме трофејот како тим“.
