Новак Ѓоковиќ е нов шампион на Ролан Гарос. Тој во големото финале го совлада норвешкиот тенисер Каспер Руд со 3:0 во сетови (7:6, 6:4 и 7:5) и со тоа испиша тениска историја.
Ѓоковиќ трет пат во кариерата го освои Ролан Гарос, а притоа дојде до 23. Гренд слем титула нешто што на ниту еден тенисер не му успеало до сега.
Во првиот сет Норвежанецот тргна добро во еден момент имаше 1:4, но Новак изедначи на 4:4. Потоа Руд во финишот обезбеди предност од 5:6 и две гем топки, сепак, српскиот тениски ас доаѓа до тај-брејкот. А во него Новак беше подобар и поведе со 1:0.
Вториот сет почна со водство на Ноле кој го сочува до крај. Руд успеа да стигне до 5:4, меѓутоа српскиот тенисер доаѓа до 6:4 и предност од 2:0.
Во третиот сет Норвежанецот поведуваше, а Ноле изедначуваше. При 5:5 Новак освои гем и доаѓа до предност од 6:5 и потоа до 7:5 и со тоа го доби мечот.
🇷🇸 HISTORY 🇷🇸#RolandGarros pic.twitter.com/5d4r8keSE6
— Roland-Garros (@rolandgarros) June 11, 2023
