По завршување на финалето во Лигата на шампионите меѓу Манчестер Сити и Интер, на адресата на „граѓаните“ стигнаа бројни честитки за победата и првиот освоен трофеј во ова натпреварување.
Една од честитките дојде од Јувентус, кој не пропушти да го „пецне“ ривалот Интер за поразот во финалето на Лигата на шампионите.
На својот официјален профил на Твитер, Јувентус јавно му честититаше на Сити за победата:
„Честитки до Манчестер Сити за победата во Лигата на шампионите“.
Complimenti al @ManCity per la vittoria della @ChampionsLeague.
— JuventusFC (@juventusfc) June 10, 2023
Јувентус и Интер никогаш немале топли чувства еден за друг. Оние кои се сеќаваат се сеќаваат дека ова е еден вид одмазда на „Старата дама“, бидејќи во 2017 година на официјалниот Твитер профил, Интер му честиташе на Реал Мадрид, кога кралскиот клуб го победи Јувентус со 4:1 во финалето на Лигата на шампионите.
