Легендарниот руски репрезентативец Александар Кержаков ќе го предводи Спартак од Суботица во новата сезона. Оваа бомбастична вест ја пренесе „Спорт експрес“ наведувајќи дека поранешниот руски фудбалски ас ќе работи како тренер во Србија не наведувајќи го клубот, но српските медиуми претпоставуваат дека тоа ќе биде Спартак кој претходно се раздели со Милан Милановиќ, а овој клуб и претходно имал искуство со руски тренер.
Спартак прави добар маркетиншки потег, но дали тоа ќе се исплати преку резултати со оглед дека поранешниот напаѓач на Зенит, Севиља и Динамо Москва нема големо искуство како тренер. Кержаков по завршувањето на кариерата работел со младите репрезентации на Русија, потоа во Томск и Нижни Новгород, а во првата половина од 2023 година се проба во Кармиотис од Кипар од каде доби отказ по само шест официјални натпревари.
FOTO> twitter/UEFA EURO 2024
