Младата репрезентација на Македонија и денеска ги продолжува подготовките за пријателските мечеви со Ерменија и Малта. Момците на селекторот Драган Канатларовски вредно ги одработуваат тренинзите и се подготвуваат за овие два контролни меча.
Хамза Рамани, за тоа што ја очекува У-21 селекција на Македонија, истакнува:
“На овие два контролни натпревари очекувам да одиграме квалитетно, борбено и да дојдеме до позитивен резултат. Јасно е дека тоа ќе биде за подигање на самодовербата пред стартот на квалификациите. Јас лично со нетрпение го очекувам стартот на овие квалификации. Се надевам дека ќе имаме добри квалификации и дека ќе го повториме успехот на онаа генерација која во 2017 година играше на ЕП. Поседуваме квалитет и одлучност, но тоа ќе мораме да го покажеме на терен на натпреварите што следат“ рече покрај другото нашиот младински репрезентативец.
