Селекторот на машката одбојкарска сениорска репрезентација на Црна Гора, Иван Јоксимовиќ, го објави продолжениот список на играчи за Европското првенство што од 28 август до 16 септември ќе се одржи во Италија, Македонија, Бугарија и Израел.
Црногорските одбојкари ќе ги играат сите натпревари од групната фаза во Скопје, а ривали им се Македонија, Холандија, Данска, Чешка и Полска.
На списокот на црногорскиот селектор се најдоа:
Техничари: Данило Дубак (Будуќност), Растко Миленковиќ (Будва), Аврам Божовиќ (Будуќност), Марко Јоксимовиќ (Катар);
Средни блокери: Блажо Милиќ (Макаби, Израел), Лука Бабиќ (Сурабаја Саматор, Индонезија), Матија Чинќур (Будва), Срѓан Петровиќ (Јединство), Никола Ѓуровиќ (Јединство), Миодраг Јелиќ (Будва);
Коректори: Александар Миниќ (Џакарта Пертамина, Индонезија), Ѓорѓе Јововиќ (Триглав, Словенија), Бојан Стругар (Будуќност), Милутин Павиќевиќ (Будуќност);
Примачи: Војин Чачиќ (Фридрихсхафен, Германија), Марко Бојиќ (Ал Наср, Саудиска Арабија), Иван Звицер (Ал Џазира, Емирати), Јован Делиќ (Макаби, Израел), Бенјамин Хаџисалиховиќ (Будва), Немања Перуничиќ (Меркурбор, Словенија), Вукашин Цимбаљевиќ (Војводина, Србија), Лазар Цимбаљевиќ (Единство), Милан Ровчанин (Јединство), Балша Радуновиќ (Мелиља, Шпанија), Никола Радовиќ (Будуќност);
Либера: Никола Лакчевиќ (Стеауа Букурешт, Романија), Иван Влаховиќ (Будуќност), Данило Кривокапиќ (Будва).
