Кошаркарите на Партизан поведоа со 2:0 во финалната серија на АБА лигата против екипата на Црвена звезда, бидејќи победија и во вториот натпревар, овојпат со 87:78.
Иако Црвена звезда одигра подобар натпревар од оној првиот, Партизан беше подобар кога беше најпотребно. „Црно-белите“ знаеја да ги казнат сите грешки на противникот и не дозволија градскиот ривал да им се приближи на опасно растојание за евентуален пресврт.
Најдобар стрелец беше Недовиќ од Црвена Звезда со 19 поени, а кај Партизан, Нанали постигна 15.
Третиот меч од серијата на теренот на Ц. Звезда е во недела.
