По сите шпекулации со бројни имиња, Наполи вечерва изненади со назначувањето на новиот тренер за новата сезона. Нашиот Елиф Елмас следната сезона ќе биде под тренерската палка на францускиот стратег Руди Гарсија, кој пред само неколку недели доби отказ на кормилото на саудискиот клуб Ал Ахли, каде работеше со португалската ѕвезда, Кристијано Роналдо.
Наполи вечерва го потврди назначувањето на Гарсија за нов тренер на тимот по заминувањето на Лучијано Спалети, кој по освоеното Скудето реши да се повлече од тренерското место поради недоразбирања со сопственикот на тимот, Аурелио Де Лаурентис.
Гарсија во својата тренерска кариера работеше во неколку француски клубови (Дижон, Ле Ман, Лил, Олимпик Марсеј, Лион), а има искуство како тренер во Италија бидејќи работеше на клупата на Рома.
✍️ Rudi García è il nuovo allenatore del Napoli!
Benvenuto Mister 👋 pic.twitter.com/aYjOVpGDP9— Official SSC Napoli (@sscnapoli) June 15, 2023
