Вечерва покрај мечот на Арената во Скопје меѓу Македонија и Украина, во рамките на нашата група „Ц“ ќе се одигра и дуелот меѓу селекциите на Малта и Англија. И овој меч како и пресметката во Скопје стартува од 20.45 часот.
Малта е домаќин на Англија во Та’ Кали, откако по воведните два натпревари во групната фаза, двете селекции се на спротивните краеви на табелата, при што Англија ги победи Италија и Украина, додека Малта претрпе пораз од Македонија и Италија.
Англија има брилијантен рекорд во евро-квалификациите, победувајќи на 19 од последните 20 меча. Исклучок е поразот со 2-1 од Чешка во октомври 2019 година. Малта се надева дека ќе избегне катастрофа, но нема да се откаже и од идејата да постигне барем гол. Малта победи на само седум од своите 226 квалификациски натпревари, па и вечерва е со минимални шанси за успех.
Од останатите вечерашни дуели вреди да се издвојат уште два. Прво дуелот меѓу Финска и Словенија (18 ч.) кој се игра во рамките на „Х“, каде Словенците почнаа со две победи, а Финска има победа и пораз. Победата над С. Ирска за Финците стави крај на црната серија од пет натпревари без победа. Ако гледаме подлабоко, Финска успеа да победи само на три од нивните претходни 15 натпревари во сите натпреварувања, па и денеска ќе и биде исклучително шето против одличните Словенци, кои се во серија од четири последователни победи (вклучувајќи и две победи од пријателските средби).
Исклучително интересно се очекува да биде во Атина, каде Грција ја пречекува Р. Ирска. Ирците доаѓаат со желба за прва победа во овие квалификации, додека домашните се надеваат на втор успех. Грците не успеаја да се квалификуваат на последните два евротурнири и овојпат се надеваат дека ќе стигнат до Евро 2024 од групата Б, во која се и Франција и Холандија. Причина плус да веруваат во успех вечерва е и фактот штп загубија само еден од нивните последни 16 натпревари на домашен терен во сите натпреварувања.
КВАЛИФИКАЦИИ ЗА ЕВРО 2024
ГРУПА „Б“
20.45 Гибралтар – Франција
20.45 Грција – Р. Ирска
ГРУПА „Ц“
20.45 Малта – Англија
20.45 Македонија – Украина
ГРУПА „Д“
20.45 Летонија – Турција
20.45 Велс – Ерменија
ГРУПА „Х“
18.00 Финска – Словенија
20.45 Данска – С. Ирска
20.45 Сан Марино – Казахстан
ГРУПА „И“
20.45 Андора – Швајцарија
20.45 Белорусија – Израел
20.45 Косово – Романија
