Фудбалската репрезентација на БиХ вечерва ја чека најтешката задача во квалификациите за ЕП 2024. „Змејовите“ му гостуваат на фаворитот во групата Ј, селекцијата на Португалија.
Мечот е закажан на стадионот „Луж“, стадионот на гигантот Бенфика.
По две кола Португалија е максимална со шест бодови, додека БиХ оствари половичен успех и има три бода. Босанците го победија Исланд со 3:0 во првото коло, а потоа загубија од Словачка со 2:0. Португалија имаше лесни противници и ги совлада Луксембург и Лихтенштајн.
БиХ ќе биде без Раде Круниќ, Денис Хаџикадуниќ и Ермедин Демировиќ поради повреди, а Бенџамин Тахировиќ заздраве од повредата и тој е во составот.
Селекторот Фарук Хаџибегиќ одбра и четворица дебитанти за престојните натпревари со Португалија и Луксембург. Тоа се Дал Варешановиќ од Сараево, дефанзивецот Адриан Леон Баришиќ од Осијек и Саид Хамулиќ од Тулуз.
Сепак, главниот збор во тимот ќе го водат поискусните: Един Џеко, Пјаниќ, Колашинац, Шехиќ, Цимирот…
Португалија има силен тим, тука се Бруно Фернандеш, Кристијано Роналдо, Рафаел Гереиро, Рубен Диас, Пепе, Руи Патрисио, Данило, Жоао Феликс… Ново име е Тоти Гомеш, фудбалер на Вулверхемптон кој го чека дебито во националниот тим.
Португалија и БиХ се соочуваат меѓу себе по пауза од 12 години. Тогаш се играа два плеј-оф натпревари за пласман на ЕП 2012, првиот меч во Зеница заврши без голови, а вториот меч на „Луж“ Португалија го доби со 6:2.
ДЕНЕСКА ИГРААТ
15 ЧАСОТ
ЛИТВАНИЈА – БУГАРИЈА
ЛУКСЕМБУРГ – ЛИХТЕНШТАЈН
18 ЧАСОТ
АЗЕРБЕЈЏАН – ЕСТОНИЈА
ЦРНА ГОРА – УНГАРИЈА
НОРВЕШКА – ШКОТСКА
20:45 ЧАСОТ
АЛБАНИЈА – МОЛДАВИЈА
БЕЛГИЈА – АВСТРИЈА
КИПАР – ГРУЗИЈА
ФАРСКИ ОСТРОВИ – ЧЕШКА
ИСЛАНД – СЛОВАЧКА
ПОРТУГАЛИЈА – БИХ
