Контроверзниот тенисер Ник Кириос го предизвика најдобриот тенисер на светот Новак Ѓоковиќ на претстојниот Гренд слем турнир – Вимблдон. На Ролан Гарос, Ѓоковиќ стигна до рекордната 23. гренд слем титула и со тоа стана најдобриот тенисер на сите времиња. Две недели пред Вимблдон, Кириос даде прогноза за тоа на колку пехари може да оди Ѓоковиќ.
„Се надевам дека ќе освои 30. Со тоа ќе направи јас да изгледам уште подобро со оглед на тоа дека изгубив од него минатата година во финалето на Вимблдон. Направи неверојатен подвиг. Знам колку напорно работи, колку му значи сето тоа. Ако земеме во предвид дека пропушти неколку гренд слемови затоа што не можеше да влезе во некои држави, па ни Австралија, верувам дека сега ќе беше поинаку, ќе имаше меѓу 24 и 26 титули. Знам дека е гладен за трофеи. Се надевам дека ќе стигне меѓу 28 и 30 титули“, изјави Кириос.
Ѓоковиќ на Вимблдон е во серија од 28 победи, се уште нема вистински ривал кој е добро извежбан за тенис на трева. За тоа коментар даде Кириос.
„Само јас би можел да го запрам Новак на Вимблдон“, рече 25 тенисер на светот.
Wer kann Djokovic in Wimbledon stoppen? “Wenn ich es nicht bin – NIEMAND!” 👊🏼😄 Klassischer Kyrgios 👏🏼
Wimbledon siehst du ab 03.07 live auf Sky!
via @Sky_PaulH @Sky_Moritz#SkyTennis #Wimbledon pic.twitter.com/rzLewtI43z
— Sky Sport (@SkySportDE) June 13, 2023
