Тотенхем го комплетираше договорот со Дејан Кулушевски. Како што потврдија од лондонскиот клуб, тие успеаја да се договорат со Јувентус околу продажбата на шведскиот репрезентативец со македонско потекло.
23-годишниот играч од средниот ред минатата сезона играше како позајмен во Тотенхем од Јувентус, а од следнава сезона ќе биде и официјално играч на Спарс. Кулушевски потпиша договор со Тотенхем со важност до 2028 година.
Сумата која Тотенхем му ја плати на Јувентус за Швеѓанецот е во висина од 30 милиони евра.
