Македонската одбојкарска репрезентација за играчи до 17 години ова лето ќе учествува на Балканското првенство во Тирана од 5 до 9 јули. Селекторот Ванче Санев го објави списокот на повикани одбојкари за ова БП. На листата се најдоа 18 имиња од шест клубови.
Најмногу, петмина се од првакот во оваа категорија Струмица Никоб, четворица од Штип УГД, по тројца се од Весна Пробиштип и од Работнички 47&22, двајца од ГОК Борец и еден од екипата на Сушево.
Младите одбојкари со подготовки почнуваат на 21 јуни во Штип, а на Балканијадата во Тирана ќе играме во групата „А“ со домаќинот Албанија, Турција и со Србија.
