Тимот на Силекс следната ПМФЛ сезона како опција за младинец во стартниот состав ќе го има левиот бек Димитриј Попоски. Момчето кое беше дел од школата на Вардар, за да потоа настапува и за екипите на Борец, Работнички и Тетекс, сега се сели во тимот на Силекс и ќе се бори за прволигашка минутажа следната сезона.
Силекс веќе некое време работи на засилувањата летово, а според најавите во Кратово сигурно пристигнуваат и класичен стопер, десен бек, напаѓач, а можна е и класична „десетка“.
