Репрезентацијата на Шпанија го освои трофејот во Лигата на нациите откако вечерва во Ротердам во финалето ја совлада Хрватска на пенали (5:4).
Шпанците беа поопасни во мечот, Гави и Родри на стартот се заканија но не успеаја, а на спротивната страна во 31 минута Перишиќ се најде во шанса но Симон одбрани.
Родри имаше непрецизен обид во 65 минута, а во финишот Ансу Фати се обиде но Перишиќ ја одби топката од гол-линијата. Во продолженијата ништо не се смени, па следуваа пеналите.
Првите шест беа успешно реализирани, а во четвртата серија промаши Ловро Мајер поточно Симон го одбрани неговиот удар, додека на спротивната страна погоди Асенсио. Во петтата Перишиќ ја тресе мрежата, а Лапорт место за победа ја погоди пречката и ја продолжи серијата.
Сепак, во следната серија Унаи Симон со прекрасна парада спречи удар на Петковиќ, за после него искусниот Карвахал да погоди и да го донесе трофејот на Шпанија.
Ова е прв пат трофејот да завршува кај Шпанците, претходните две изданија им припаднаа на Франција и Португалија.
