Екипата на Жалгирис Виљнус од Литванија е ривалот на Струга Трим Лум во 1.квалификациско коло во Лигата на Шампионите. Така сакаше денешната ждрепка во Нион.
Се разбира дека ова е тешка ждрепка за нашиот шампион, но истата не е непремостлива пречка. Станува збор за шампион на Литванија.
Инаку мечевите се играат на 11/12 и 18/19 јули, прво Струга ТЛ игра на гости, а потоа дома во Охрид. Познато е дека во случај на триумф нашиот шампион ќе се пласира во 2.квалификациско коло и во најлош случај понатаму ќе има обезбедено пласман во плеј – офот во Лигата на Конференции.
Во случај на елиминација на стартот во овие квалификации во ЛШ, тогаш Струга ТЛ ќе се најде во 2.квалификациско коло во Лигата на Конференции и за ривал ќе добие некој од шампионскиот пат.
