Екипата на Водњански Лисици по долго отсуство од официјалните кошаркарски натпреварувања повторно се враќа на сцена и тоа во годината која го слави 30-годишниот јубилеј од основањето на клубот.
На прес-конференција, Един Муса, која потекнува од оваа школа, која е во сопственост на нејзиниот татко Амбди Муса, најави големи амбиции. Македонската кошаркарска легенда Влатко Владичевски ќе биде главен тренер, засилен со уште две репрезентативни кошаркарски величини Ристе Стефанов и Дарко Здравковски.
Водњански Лисици има намера да постави нови стандарди за работа во македонската младинска кошарка без која евидентно е дека немаме никаква иднина.
- Тренинзи и натпревари во малата сала во СЦ Јане Сандански
- Ангажман на професионален кондиционен тренер и психолог
- Клубот ќе настапува во опрема на HUMMEL
- Благодарение на бројните помагатели, се ќе биде бесплатно за младите играчи кои ќе ги бранат боите на клубот
- Сите натпревари ќе одат со директен пренос на стрим каналот на МОК ТВ
- Обезбедени висински базични подготовки
Најпознато кошаркарско име од Водњански Лисици кое направило голем чекор во својата кариера е Предраг Самарџиски, кој направи „скок“ во Партизан.
