Репрезентацијата на Германија е домаќин на претстојното Европско првенство кое ќе се одржи во 2024 година и токму затоа не е дел од тековните квалификации.
Па затоа, „Панцирите“ го пополнуваат овој меѓупростор со пријателски мечеви на кои реални играат очајно. Загубија последно од Колумбија со 0:2, што ќе рече дека репрезентацијата победила само четирипати во последните шеснаесет меча.
Селекторот Ханси Флик е на удар на јавноста која очекува сериозна серија на победи од генерацијата врз која има огромен притисок како домаќин на следниот европски самит.
„Се разбира, ова е ситуација за мене во која не сум бил досега. Навистина сакам да победувам натпревари и мразам да губам“, изјави 58-годишниот на прес-конференцијата по поразот од Колумбија со 2:0. во Гелзенкирхен.
„Имам одличен тим околу мене. Баш ми се допаѓа да го подготвувам тимот за претстојниот турнир“, додаде тој.
„Можам да ветам дека ќе видите различен тим во септември“, додаде Флик , кога националниот тим ќе се собере за натпреварите против Јапонија и Франција. Потоа ќе следува и меч против САД во октомври.
Инаку најнова информација е дека Фудбалскиот сојуз на Германија веќе остварил контакт со Јирген Клоп, но барем засега нема никакви шанси стратегот на Ливерпул да ја преземе клупата на “панцерите“.
