Аргентинскиот играч за врска Анхел ди Марија е блиску до потпишување договор со португалска Бенфика, пишува новинарот Фабрицио Романо на својот Твитер профил. Изворот тврди дека преговорите меѓу 35-годишниот играч и клубот се при крај. Доколку страните успеат да се договорат за последните детали, договорот ќе биде официјално потврден во наредните денови. Се вели дека Ди Марија треба да потпише едногодишен договор до јуни 2024 година.
Ди Марија играше за Јувентус минатата сезона, а си замина откако на крајот од сезоната 2022/2023 му истече едногодишниот договор. Како дел од италијанскиот клуб, Аргентинецот одигра 40 натпревари во сите натпреварувања, на кои постигна 8 гола и имаше 7 асистенции. Во меѓувреме, тој стана и светски шампион откако го освои Светското првенство во Катар на крајот на 2022 година. На Светското првенство Ди Марија одигра 5 натпревари, постигна 1 гол и 1 асистенција.
EXCLUSIVE: Benfica are closing in on Ángel Di Maria deal, here we go soon! 🚨⚪️🔴🦅🇦🇷
Negotiations at final stages — just final details are missing to get it sealed and it will happen in the next days if all goes to plan.
Contract until June 2024 accepted, waiting to sign. pic.twitter.com/5sulR1hPW2
— Fabrizio Romano (@FabrizioRomano) June 20, 2023
