Денеска шпанската Ла Лига го одреди календарот и распоредот на натпреварите за новата сезона 2023/24. Официјално, новата сезона во Шпанија ќе почне на 11 август, а ќе трае до 26 мај. Барселона како актуелен шампион одбраната на титулата ќе ја започне со натпревар против Хетафе.
Барселона во премиерата на новата сезона оди на гостување во Хетафе, додека Реал Мадрид ќе има уште потежок старт на сезоната со меч на гостински терен во Баскија против Атлетик во Билбао.
Во рамките на првото коло од новата сезона ќе биде интересно и на дуелите Алмерија – Рајо Ваљекано, Севиља – Валенсија и Виљареал – Бетис.
Ждрепката сакаше првото „Ел Класико“ да се одигра на 29 октомври во рамките на 11. коло, кога Барселона ќе го пречека Реал (М), додека возвратниот меч ќе се случи на 21 април во рамките на 32. коло.
Во новиот календар кој е договорен, фудбал во Ла Лига за Нова година нема да има. Божиќната пауза ќе почне на 20 декември и ќе трае до 2 јануари.
🗓 CALENDARIO | Sorteada la primera jornada de @LaLiga
El Barcelona debutará en el Coliseum con el Getafe
El Real Madrid visitará al Athletic en San Mamés
El Atlético recibirá en casa al Granada pic.twitter.com/arsnoFWXrv— Eurosport.es (@Eurosport_ES) June 22, 2023
