Зинедин Зидан во два наврати го водеше Лука Модриќ во Реал Мадрид. Првиот пат од 2016 до 2018 година, а потоа и во вториот мандат од 2019 до 2021 година. Заедно освоија две шпански првенства, три Лиги на шампиони, два Суперкупа на УЕФА, два шпански Суперкупа и два Светски клупски првенства.
Зидан има високо мислење за хрватскиот капитен:
„Ако има играчи кои ме тераат да станам од столчето, тоа се Карим Бензема и Лука Модриќ. Тие секогаш успеваат да се извлечат од тешките ситуации“.
Французинот е без работа од 2021 година откако го напушти Реал Мадрид. Како тренер работеше само во мадридскиот клуб, а во кариерата настапуваше за Кан, Бордо, Јувентус и Реал.
