Феникс Санс минатата зима направи вистински бум во НБА лигата кога со трејд го доведоа Кевин Дурент и го додадоа на Девин Букер, Крис Пол и Деандре Ајтон.
Многумина ги гледаа како главни претенденти за титулата, но не успеаја. Денвер беше премногу силен во полуфиналето на Западот, победувајќи со 4:2, а Феникс беше единствениот тим што победи повеќе од еден натпревар против Нагетс во нивната шампионска кампања.
Крис Пол летово го напушти тимот, но пристигна уште еден голем ас, Бредли Бил, а се постави прашањето што ќе се случи со Диандре Ајтон. Добро упатени американски извори тврдат дека тој ќе остане во Феникс.
Наводно, челниците на Феникс имаат одличен план во својот тим истовремено да ги имаат Ајтон, Букер, Дурант и Бил, а наскоро би требало да се знаат сите детали.
Санс беа многу блиску до титулата во 2021 година, кога во големото финале беа поразени од Милвоки Бакс со 4:2, иако водеа со 2:0. Во следните две сезони „паднаа“ во второто коло во плеј-офот.
