По ривалите, Е.Пелистер го доби и распоредот за групната фаза од ЛШ

Тимот на Е. Пелистер е нашиот претставник во Лигата на Шампионите следната сезона, и денеска во Битола е работно. Пелистерци ги добија ривалите од групната фаза од ова натпреварување, а веднаш потоа и распоредот на мечевите.

Како што претходно објавивме Е.Пелистер е во групата А со екипите на Келце, Кил, ПСЖ, ПИК Сегед, Алборг, Загреб и Колстад. Исклучително тешка група, во која се наоѓаат сериозно квалитетни ривали, на кои Битола со нетрпение чекаше со години.

Според првичниот распоред, првиот натпревар од новата сезона Еурофарм Пелистер ќе го одигра дома во Битола против Загреб на 13/14 септември, додека првото гостување ќе биде против Келце на 20/21 септември.