Италијанскиот стручњак и тренер на Реал Мадрид, Карло Анчелоти и фудбалскиот клуб Евертон го решија спорот на Високиот суд, објави денеска Би-Би-Си.
Анчелоти го тужеше Евертон за прекршување на „комерцијалните договори и аранжмани“, но судските поднесоци не даваат други детали.
Тој го предводеше Евертон како менаџер од декември 2019 до јуни 2021 година.
„Карло има трајна почит и длабока наклонетост кон навивачите на клубот и им посакува се најдобро на нив и на клубот во иднина“, изјавија претставниците на Анчелоти.
