Албанскиот интернационалец Вангел Згура од денеска и официјално е член на актуелниот македонски шампион, тимот на Струга Трим Лум. Стружани предмалку се пофалија со своето најново засилување, кое Спортмедиа веќе го најави.
Згура е искусен, 30. годишен дефанзивец кој одговара и на позицијата лев бек, и кој доаѓа како засилување како за европските настапи, така и за ПМФЛ сезоната.
Последен негов клуб е тимот на Билис во Албанија, а има искуство и од САД.
