Македонската женска младинска репрезентација продолжува со подготовките за настап на Европското првенство кое ќе се одржи во Романија. Избраничките на Јулијана Дамчевска во следните три дена ќе бидат дел од турнирот „Трофеј Карпати“, нова шанса за тестирање на силите и создавање на подобра слика пред да стартува вистинското.
Овој турнир ќе се одржи Питешти, покрај Македонија и Романија, учество ќе земат и репрезентациите на Швајцарија и Србија.
Младинките на стартот ќе се сретнат со Романија (16:30 часот), по што следат пресметките со Швајцарија и Србија.
Европското младинско првенство ќе се игра од 6 до 16 јули, а Македонија е во група со Данска, Чешка и Црна Гора.
