Голманот на Парма, Џиџи Буфон размислува да стави крај на кариерата. Според новинарот Џанлука Ди Марцио, тој ќе донесе конечна одлука во следните неколку дена.
Буфон има опција да остане во Парма или да се пресели во клуб од Саудиска Арабија.
Минатата сезона, 45-годишниот голман настапи на 19 натпревари во сите натпреварувања. Се повреди на мечот од плеј-офот за влез во Серија „А“ против Каљари, Парма не успеа да се врати во елитата.
Договорот на Буфон е до 2024 година. Поранешниот италијански репрезентативец учествуваше на пет светски првенства и ја подигна титулата во 2006 година. На клупско ниво, еден од најдобрите голмани на сите времиња има 10 титули на Италија со Јувентус и една француска титула со ПСЖ.
