Новиот македонски прволигаш Воска Спорт продолжува со засилувањата за новата сезона. Ново име во охридскиот тим е левиот бек Агон Хани кој доаѓа од редовите на Победа за која минатата сезона одигра 22 меча.
Хани со Воска потпиша едногодишен договор и доаѓа на местото на Илјас Чилафи кој си замина.
Инаку Хани ја почна кариерата во Академија Пандев, играше и за Младост од Царев Двор, беше и во Словачка во младинскиот тим на Јаблонец. Беше и во Струга ТЛ, а потоа во Победа.
Воска направи неколку интересни трансфери ова лето, пред Хани дојдоа Вилдан Керим, Бесар Исени, голманот Бурхан Мустафа, Николче Шаркоски, Алекса Марушиќ, Никола Стијеповиќ…
