Фудбалскиот сојуз на Босна и Херцеговина одлучи фудбалерите кои доаѓаат од екс југословенските републики, Македонија, Србија, Хрватска, Словенија и Црна Гора, од сезоната 2023/24 да ги сметаат за домашни играчи.
Тоа значи дека нема да завземаат место како за странец, нема да има потреба да се плаќа додатна сума на пари во касата на сојузот и ова секако дека ќе биде дополнително олеснување за клубовите во оваа земја.
Секако, и за нашите интернационалци ова е добра вест, затоа што во шампионатот на Босна со години има македонски играчи кои со успех настапувале таму.
