Менаџерот на Челзи, Маурицио Покетино го даде првото интервју како тренер на „сините“.
„Задоволство и чест е што сега сум дел од Челзи. Мојот персонал и јас сме многу возбудени, бидејќи лично многу добро го познавам Челзи. Тоа е еден од најголемите клубови во светот. Така, секако, беше лесна одлука за мене да дојдам овде. За нас како тим е возбудливо да го запознаеме клубот. Нашата желба е да ја вратиме радоста на овој голем фудбалски клуб. Ќе работиме напорно и ќе играме на начин на кој навивачите ќе можат да уживаат во фудбалот.
Мислам дека културата во клубот е многу важна. Станува збор за култура на победи. Во последните 10, 12 или 15 години, Челзи е најуспешниот тим во Англија. Ја знам многу добро Премиер лигата и што значи културата на Челзи.
Мислам дека нашите поддржувачи се возбудени што повторно се обидуваат да победат. Секако дека и ние сме возбудени. Имаме можност да работиме со прилично млад тим, и со поинаков пристап во однос на минатото. Но, мислам дека сите треба да разбереме дека мора да работиме навистина напорно и да создадеме добра атмосфера на теренот за да обезбедиме успех на тимот во следните неколку години“, изјави Покетино.
