Новиот менаџер на Челзи, Маурисио Покетино пристигна во базата на клубот на својот прв вистински работен ден. Уште на 28 мај, лондончани официјално објавија дека Аргентинецот ќе го преземе тимот од 1 јули, откако потпиша двегодишен договор со опција за дополнителни 12 месеци.
Денеска Покетино и неговиот штаб ќе се сретнат со клупскиот персонал, кој работи во тренинг базата и ќе ја подготви програмата за првите тренинзи на тимот. Поголемиот дел од лондонските фудбалери утре ќе се вратат по одморот.
51-годишниот Покетино добро ја познава Премиер-лигата, ги водеше Саутемптон и Тотенхем. Неодамна, Аргентинецот беше на чело на ПСЖ, го предводеше клубот до титулата во Лига 1 и Купот на Франција, оставајќи ги парижаните во јули 2022 година.
This is where it starts. 👊#WelcomePoch pic.twitter.com/scmF0ThuON
— Chelsea FC (@ChelseaFC) July 3, 2023
