Новак Ѓоковиќ се пласира во третото коло на Вимблдон откако со 3:0 го совлада Џордан Томсон од Австралија. Ноле ќе игра со подобриот од дуелот меѓу Томас Мартин Ечевери и Стен Вавринка, меч кој се игра денеска од 12 часот. По мечот српскиот тенисер зборуваше за Вавринка како да ќе пројде во следното коло.
„Тој ме победи на два Гренд слема. Го сакам Стен, одлична личност, инспиративен е. Има речиси 40 години и игра јако. Уште создава тениска историја. Има олимписко злато, освои три ГС, Дејвис куп… Има убав бекхенд, силен е. Долго немаме играно меѓу себе. Тоа ќе биде дуел на ветерани“, рече Ѓоковиќ.
