Струга Трим Лум од вчера ги пушти во продажба билетите за реваншот од 1.квалификациско коло во ЛШ против Жалгирис. Познато е дека овој меч се игра на стадионот “Билјанини Извори“ на 18 јули со почеток од 17 часот.
Продажбата се врши онлајн преку “мктикетс“, а цената на еден билет чини 1.200 денари. Со секој билет ќе има и гратис маичка со клупски обележја.
Со оглед на тоа дека само на новата трибина на стадионот ќе има гледачи, така е поради барањата на УЕФА, вкупно во продажба ќе има 1.400 билети.
