Новото засилување на тимот на Тиквеш, Марио Станковски е стрелец на своето деби за Тиквеш летово, во ремито 1:1, кое кавадарчани го одиграа попладнево против Дубочица на свој терен.
Србите се на подготовки во Македонија, и ќе бидат спаринг партнер на повеќе наши екипи. Денеска гостуваа во Кавадарци, а по првите 45. минути Тиквеш водеше со 1:0. Убаво одиграна комбинација во која Касама му асистираше на Станковски, а овој со одмерен удар погоди за 1:0.
Во вториот дел, Дубочица изедначи од пенал со голот на Милан Ѓокиќ.
