Алекс Митров и Христијан Јованов денеска и официјално беа промовирани во нови засилувања за струмичка Беласица. Второлигашот во пресрет на новата сезона во два дена најави четири нови имиња.
Алекс Митров (2005) од денес е нов напаѓач на Беласица, откако како стандарден репрезентативец во У18 селекцијата на Македонија доаѓа во Струмица од швајцарски Бреитенрен. Алекс во својата кариера ги има минато и младинските категории на славниот Јанг Бојс.
Христијан Јованов (2005) е уште еден надежен талент, кој доаѓа од ФК Брера, а игра на позицијата стопер.
