Усман Дембеле не планира да ја напушти Барселона ова лето и покрај најавата дека ПСЖ во него гледа замена за Килијан Мбапе кој ова лето може да го напушти францускиот првак.
Според „Марка“, Дембеле досега немал никаков контакт со преставници на ПСЖ. Згора на тоа, 25-годишниот фудбалер истакнал дека нема намера да си замине од Барселона, каде е задоволен од третманот. Во оваа фаза Дембеле повеќе би сакал да го продолжи договорот со Барселона, отколку да си замине.
Во Ла Лига минатата сезона, Усман забележа 25 настапи и имаше 7 асистенции.
