Можеби летово нема да си замине од „Олд Трафорд“, но во новата сезона сигурно нема да биде капитен. Како што стојат работите, Манчестер Јунајтед во новата сезона ќе има нов капитен на местото на Хари Мегваер.
Островските медиуми пренесуваат дека Ерик тен Хаг пред почетокот на подготовките дефинитивно одлучил англискиот репрезентативец да не ја носи лентата и следнава сезона. Клубот се обидува да го продаде стоперот, што оди доста тешко, а Мегваер вториот дел од минатата сезона го мина најмногу на клупата за резерви.
Улогата на капитен ќе ја добие играчот од средниот ред Бруно Фернандеш, кој во изминатите месеци ја извршуваше оваа улога како заменик.
