Откако одигра разочарувачка сезона во тимот на Милан, белгискиот интернационалец Шарл Де Кетеларе е подготвен по само една сезона мината во Милано да си замине во друг клуб. Иако Милан за него плати солидни 35 милиони евра и го доведе од Бриж сепак, 22. годишниот офанзивец не успеа да се прилагоди во Италија, па постигна само еден гол.
Од овие маки најверојатно ќе го спаси тимот на Астон Вила кој е подготвен да исплати 25 милиони и да го доведе во Бирмингем.
Милан бара пет повеќе но како што изгледа лесно ќе најде заеднички јазик со заинтересираната страна се со цел да се ослободи од играчот кој очигледно нема намера да го задржи во иднина.
