Холандски Ајакс е познат по клуб кој знае да работи со млади фудбалери. Нивните скаути добро проценуваат кој има капацитет да го носи дресот на клубот од Амстердам, па таму се развиваат, а потоа Ајакс ги продава за голема сума на пари.
Во последните седум сезони Ајакс од продажба на своите талентирани фудбалски ѕвезди заработил 632 милиони евра.
Во сезоната 2017/18 заминаа Дејвинсон Санчез и Дејви Класен за вкупни 69 милиони евра, следната сезона беше продаден Џастин Клајверт за скромни 17,2 милиони евра.
Во сезоната 2019/20 три мега трансфери, Френки де Јонг за 86 милиони евра и Матијс Де Лихт за 85,5 милиони евра, како и Каспер Долберг за 20,5 милиони евра.
Во сезоната 2020/21 Ајакс ги продаде Хаким Зијеш за 40 милиони евра, Дони Ван де Бек за 39 милиони евра и Сержињо Дест за 21 милиони евра.
Во сезоната 2021/22 го продадоа Давид Нерес за 12 милиони евра.
Во 2022/23 од Антони заработија 95 милиони евра, Лисандро Мартинез за 57,3 милиони евра, Себастијан Але за 31 милион евра и Рајан Гравенберг за 18,5 милиони евра.
Ова лето го продадоа Џастин Тимбер на Арсенал за 40 милиони евра плус 5 милиони во бонуси.
