Нема веќе влезници да се купат за утрешниот реванш меѓу Струга ТЛ и Жалгирис, од 1.квалификациско коло во Лигата на Шампионите.Ова вечерва го кажуваат од таборот на нашиот шампион. Имено сите предвидени влезници, 1.500 кои чинеа по 1.200 денари се распродадени. Инаку толку влезници беа пуштени во продажба поради барањето на УЕФА со оглед дека се игра на СРЦ “Билјанини Извори“ во Охрид и дека ќе биде пуштена во употреба само новата трибина.
Да споменеме дека билетите се продаваа онлајн, но можеа да се набават и во „Емпире“ барот во Струга. Со секој билет следуваше подарок маичка и билет со кој може да се следат сите мечеви на шампионот во ПМФЛ во есенскиот дел.
По ова клубот јавно им се заблагодари на сите фанови за поддршката и купените билети.
Да потсетиме, утрешниот реванш меѓу Струга ТЛ и Жалгирис почнува од 17 часот. Првиот дуел заврши со резултат 0:0.
