Хуан Куадрадо и следната сезона ќе остане во Италија, но од Торино се сели во Милано. Според новинарот Џанлука Ди Марцио, 35-годишниот фудбалер ќе потпише едногодишен договор со екипата на Интер. Наводно, двете страни веќе се договориле за условите од договорот, па останува само уште формалното потпишување.
Колумбиецот е слободен играч по заминувањето од Јувентус со кој освои 11 трофеи. Во Серија А минатата сезона, Куадрадо настапи на 31 натпревар и постигна 1 гол.
