Новиот кошаркар на Анадолу Ефес, Дариуш Томпсон нема да игра за Италија на претстојниот Мундобаскет.
Италијанската кошаркарска федерација се надеваше дека Паоло Банкеро ќе ја одбере нивната репрезентација и ќе игра на Мундобаскетот ова лето, но тоа не се случи. Тој се реши за составот на САД, а сега во тимот го нема и Томпсон.
Главна причина за тоа што Томпсон нема да биде во составот на аѕурите е немањето италијански документи, односно нема да може навреме да извади италијански пасош поради некомплетна документација. Томпсон требаше да добие италијанско државјанство бидејќи неговата сопруга е Италијанка.
Италија на претстојниот Мундобаскет на Филипините ќе игра против Ангола, Филипини и Доминиканска Република.
