Српскиот напаѓач Александар Митровиќ е бесен на челниците на Фулам што не му дозволиле да ја продолжи кариерата во Саудиска Арабија бидејќи веќе во два наврати ги одбиле понудите на Ал Хилал. Митровиќ сака да замине во Ал Хилал каде ќе заработи огромни пари, подготви и одмазда за Фулам која веќе им ја откри на семејството и пријателите.
Митровиќ е еден од низата фудбалери кои се на мета на клубовите од Саудиска Арабија, а Ал Хилал на српскиот напаѓач му нуди дури 75 милиони евра за тригодишен договор и не е ни чудо што тој со сите сили сака да си замине од Фулам.
Лондонскиот клуб не сака да го продаде Митровиќ, може да замине само доколку Ал Хилал плати околу 60 милиони евра, што тешко се очекува да се случи.
Митровиќ е бесен на однесувањето на предводникот на Фулам бидејќи јасно кажа дека сака да си замине од клубот, и дека смета дека заслужил да нема никакви проблеми со трансферот по се што направи за тој клуб.
Српскиот напаѓач пред неколку дена ги започна подготовките и треба да биде во авионот за Америка каде Фулам ќе ги одработи најголемиот дел од подготовките, но како што пишува Скај Спортс, тој веќе им го открил планот за одмазда на семејството и пријателите.
„Скај Спортс“ објави дека Митровиќ им кажал на семејството и најблиските пријатели дека ќе оди на турнеја во Америка, но дека воопшто нема да игра за Фулам и дека ќе одбие да излезе на терен секогаш кога тоа ќе биде побарано од него.
Ќе биде интересно да се види како ќе постапат челниците на Фулам доколку Митровиќ навистина одбие да игра и дали тоа ќе биде клучот за конечно да се согласат да го продадат на Ал Хилал.
BREAKING! Aleksandar Mitrovic has told relatives he will never play for Fulham again after the club valued him at £52m.
It’s understood he’s angry at being priced out of a move having been the subject of two failed bids from Al-Hilal. 🚨 pic.twitter.com/P8IWyS7Lh0
— Sky Sports News (@SkySportsNews) July 19, 2023
