Со одигрувањето на вчерашните последни две четвртфинални средби, комплетирани се полуфиналните двојки на Ф8 турнирот во машкото издание на одбојкарската Светска лига на нации.
Репрезентацијата на Полска која е противник на Македонија на претстојното Европско првенство во Скопје, вчера со одлична игра и победа од 3:0 над Бразил се пласираше во полуфиналето на Лигата на нации. Тимот предводен од српскиот стручњак Никола Грбиќ го совлада Бразил во еден од највозбудливите дуели во оваа рунда и закажа пресметка со Јапонија за финалето во Гдањск.
Јапонците вчера со идентичен резултат ја совладаа Словенија. Полуфиналето меѓу Полска и Јапонија е закажано за в сабота од 20 часот, додека три часа порано силите во вториот полуфинален дуел ќе ги одмерат Италија и САД.
